18-aprel kuni Qoraqalpog‘iston Respublikasining Mo‘ynoq shahrida tabiatni muhofaza qilish va Orol dengizini qayta tiklashga qaratilgan ko‘chat o‘tqazish va bog‘ tashkil etish maqsadida “Aral Sea Eco Race” eko-marafoni o‘tkaziladi.

Eko-marafonning umumiy masofasi 2 km.ni tashkil qiladi. Ishtirokchilar daraxt ekish maydonchasigacha 1 km masofani bosib o‘tishadi. Har bir ishtirokchining shaxsiy raqamiga o‘ziga xos chip o‘rnatilib, u daraxt ekish faktini qayd etadi. Shundan so‘ng, ishtirokchilar boshlang‘ich nuqtaga qaytadilar. Finish chizig‘ida har bir ishtirokchi tabiatni tiklash loyihasidagi ishtiroki uchun ramziy daraxt ko‘rinishidagi medal bilan taqdirlanadi.

Eko-marafonda har kim ishtirok etishi mumkin. Marafonda qatnashish uchun: https://prorun.uz/competition-detail-present/29 havolasi orqali ro‘yxatdan o‘tish kerak.

• Marafon
• Orol dengizi
• Qoraqalpog‘iston