Natijada amaldagi qonunchilik hujjatlarida elektr energiyasi ta’minotida zarur bo‘lgan vositalarni o‘rnatish “Qoraqalpoq hududiy elektr tarmoqlari” AJga yuklatilgan bo‘lsa-da, o‘zining tabiiy monopoliya sub’yekti ekanligidan foydalanib, ushbu vositalar fermerlardan undirilayotgani, ya’ni 170 ta tadbirkorlik sub’yektlaridan 2,3 mlrd. so‘mga yaqin mablag‘ undirish holati aniqlandi.

Mazkur holat bo‘yicha Qo‘mita tomonidan “Qoraqalpoq hududiy elektr tarmoqlari” AJga nisbatan qonunchilikda belgilangan tartibda ish qo‘zg‘atilib, tegishli choralar ko‘rildi.

Bugungi kunda ushbu qonunga zid ravishda olingan 2,3 mlrd. so‘mga yaqin mablag‘lar fermerlarga qaytarish (qayta hisob-kitob) ishlari olib borilmoqda.

Ma’lum qilinishicha, “Qoraqalpoq hududiy elektr tarmoqlari” AJ Qo‘mita tomonidan qabul qilingan qaror bo‘yicha sudga da’vo ariza kiritgan. O‘zbekiston Respublikasi Oliy sudi Ma’muriy ishlar bo‘yicha sudlov hay’atining qarori bilan kassasiya shikoyati Qoraqalpog‘iston Respublikasi Monopoliyaga qarshi kurashish qo‘mitasi foydasiga hal qilingan.

• Aksilmonopoliya
• Elektr energiyasi
• Qoraqalpog‘iston