Oliy Majlisning Inson huquqlari bo‘yicha vakili (ombudsman)ning Qoraqalpog‘istondagi mintaqaviy vakili Qo‘ng‘irot tumanidagi 27-son Manzil-koloniyasiga borganida mahkumlar mehnat huquqlarining buzilayotganligi bo‘yicha shikoyat qilishgan.

Shundan so‘ng, u mahkumlarning shartnoma asosida mehnatga jalb etilgan 3 ta MCHJlardagi mehnat va yashash sharoitlarini o‘rganib chiqqan.

O‘rganishlar davomida esa ushbu korxonalardagi sharoitlar belgilangan talablarga javob bermasligi va 100 nafardan ortiq mahkumlarning oylik maoshlari to‘lab berilmagani ma’lum bo‘lgan.

Hozirda holat Ombudsman nazoratiga olingan bo‘lib, holatni bartaraf etish yuzasidan IIV huzuridagi Jazoni ijro etish departamentiga taqdimnoma kiritildi.

• Mahkum
• Ombudsman
• Qoraqalpog‘iston