Ijtimoiy tarmoqlarda “Beruniy tumanida bolalar bo‘lgan avtomashina halokatga uchradi” nomli video chiqarilgan edi. Ushbu holat bo‘yicha Beruniy tumani hokimligi axborot xizmati dastlabki rasmiy munosabatni bildirdi.

Qayd etilishicha, voqea 2024-yil 19-iyun kuni soat 09:55 da Beruniy tumani, Shabboz OFYda, Quruvchilar ko‘chasidan o‘tuvchi 4R161 avtomobil yo‘lining 16-17 km.larida sodir bo‘lgan. Ya’ni, S.G. o‘zining boshqaruvidagi Nexia-3 mashinasi bilan yo‘l transport hodisasini yuzaga keltirgan.

Voqea natijasida 2 nafar voyaga yetmaganlar tan jarohati olib, tuman tibbiyot birlashmasiga murojaat etgan va tibbiy yordam ko‘rsatilgan.

“Mazkur holat bo'yicha to'liq tafsilotlar bilan yaqin soatlar ichida tanishtiramiz”, deyiladi xabarda.

• Qoraqalpog‘iston
• YTH