Qoraqalpog‘istonning Nukus shahrida noqonuniy namoyishlarda qatnashganlikda gumonlangan fuqarolar qo‘lga olingan. Bu haqda AOKAda Qoraqalpog‘istondagi favqulodda holat vaqtida amalga oshirilgan ishlar yuzasidan o‘tkazilgan brifingda ma’lum qilindi.

Nukusdagi ommaviy tartibsizliklar oqibatida 243 nafar shaxsga, jumladan, 38 huquq-tartibot organlari xodimlariga turli tan jarohatlari yetkazilgan, ogʻir tan jarohatlari tufayli 18 nafar fuqaro vafot etgan.

Favqulodda holat e’lon qilinganidan so‘ng 4-iyulga o‘tar kechasi komendantlik tartibini buzgani uchun 110 nafar fuqaro ko‘chalarda bemaqsad yurgani uchun ushlanib, ichki ishlar idoralariga topshirilgan. 12 ta avtotransport vositasi jarima maydonchasiga joylashtirildi. Xususan, Nukus shahrida komendantlik rejimiga rioya qilmagan 58 nafar shaxs ushlangan. Shundan 28 nafariga tegishli moddalar bilan ma’muriy bayonnoma rasmiylashtirilgan, qolganlari bilan profilaktika suhbat o‘tkazilib, 7:00 dan keyin qo‘yib yuborilgan.

Shuningdek, Tergov va tezkor — qidiruv tadbirlari davom ettirilmoqda. Tergov va tezkor-qidiruv tadbirlari qonunlarga qatʼiy rioya qilingan holda oʻtkazilib, qonun ustuvorligi va jazo muqarrarligini taʼminlashning barcha choralari koʻriladi.

• Namoyish
• Qoraqalpog‘iston