AQSH Davlat departamenti matbuot kotibi Ned Prays 5-iyul kuni bayonot bilan chiqib, Qoraqalpog‘istondagi voqealar yuzasidan xavotir bildirdi va barcha taraflarni zo‘ravonlikdan tiyilib, ziddiyatlarni tinch yo‘l bilan hal etishga chaqirdi.

“Biz O‘zbekistonning demokratik islohotlarni amalga oshirish borasidagi sa’y-harakatlarini qo‘llab-quvvatlaymiz. Biz rasmiylarni O‘zbekistonning xalqaro majburiyatlari va burchlariga muvofiq, barcha asosiy huquqlar, shu jumladan tinch yig‘ilishlar va o‘z fikrini ifoda etishga bo‘lgan huquqlarni himoya qilishga chaqiramiz”, — deyiladi bayonotda.

“Biz yaqinlarini yo‘qotgan oilalarga ta’ziya bildiramiz va jarohatlanganlarga hamdardmiz”, — deb qayd etgan Ned Prays.

Uning ta’kidlashicha, AQSh O‘zbekistonda demokratik islohotlar amalga oshirishilishi tarafdori va davlatning bu boradagi harakatlarini quvvatlaydi.

“Biz rasmiylarni O‘zbekistonning xalqaro majburiyatlari va burchlariga muvofiq, barcha asosiy huquqlar, shu jumladan tinch yig‘ilishlar va o‘z fikrini ifoda etishga bo‘lgan huquqlarni himoya qilishga chaqiramiz. Qoraqalpog‘istondagi huquqbuzarliklar, qonunbuzarliklar va zo‘ravonliklar to‘liq, ishonchli va shaffof tarzda taftish qilinishi kerak. Tekshiruv va tergov xalqaro normalar asosida olib borilsin”, — deydi Davlat departamenti vakili.

Bayonot so‘nggida AQSH azaldan O‘zbekiston suvereniteti, mustaqilligi va hududiy yaxlitligini qo‘llab-quvvatlab kelishi va shu pozitsiyada qat’iy ekani ta’kidlangan.

• Namoyish
• Qoraqalpog‘iston