2022-yil 6-oktyabr soat 09:00 dan 7-oktyabr 09:00 ga qadar “Qozig‘urt” (Qozog‘iston) va unga tutash “S.Najimov” (O‘zbekiston) nazorat-o‘tkazish punkti fuqarolar va transport vositalarining o‘tishi uchun yopiladi. Bu haqda “Zakon.kz” yozmoqda.

Qayd etilishicha, Qozog‘iston Respublikasi Moliya vazirligining Davlat daromadlari qo‘mitasi vakillariga ko‘ra, bunga “O‘ztransgaz” aksiyadorlik jamiyati tomonidan har ikki davlatning nazorat-o‘tkazish punktlari o‘rtasidan o‘tuvchi gaz quvurlarining gidravlik sinovidan o‘tkazilgani sabab bo‘lgan.

Qozog‘iston-O‘zbekiston chegarasidagi boshqa nazorat-o‘tkazish punktlari odatdagidek ishlashda davom etadi.

“Tashuvchilardan va chegarani kesib o‘tmoqchi bo‘lgan barchadan joriy etilgan cheklovlarni hisobga olgan holda o‘z yo‘nalishini oldindan rejalashtirishni so‘raymiz”, – deyiladi xabarda.

• Chegara
• O‘zbekiston
• Qozog‘iston