Ma’lumotlarga ko‘ra, 2022-yil Qozog‘iston Tojikistonga o‘simlik yo‘gini yetkazib berishda Rossiyadan o‘zib ketdi. Qozog‘iston so‘nggi ikki mavsumda o‘simlik yog‘i ishlab chiqarishni bir necha barobar oshirgan, bu eksport hajmiga ta’sir qilgan.

“Sanoatdagi bunday yutuq qayta ishlash sanoatini rivojlantirishga qaratilgan chora-tadbirlar tufayli yuzaga keldi. Qozog‘iston yaqin 5 yil ichida Markaziy Osiyoning kungaboqar yog‘iga bo‘lgan ehtiyojini to‘liq qondira oladi”, – dedi Yog‘li o‘simliklarni qayta ishlash milliy assotsiatsiyasi boshqaruvi raisi Yadikar Ibragimov.

Uning so‘zlariga ko‘ra, assotsiatsiya o‘rta muddatli istiqbolda ko‘rsatkichlar o‘sishiga erishish uchun barcha harakatlarni amalga oshiradi. Biroq soha rivojiga tegishli vazirliklarning siyosati ta’sir ko‘rsatmoqda. Bu borada Qishloq xo‘jaligi va Savdo vazirliklaridan yog‘li o‘simliklarni yetishtirishni yanada rivojlantirishni rag‘batlantirish bo‘yicha aniq qarorlar kutilmoqda.

“Qozog‘iston Markaziy Osiyo bozori ehtiyojlarini kungaboqar yog‘i bilan ta’minlash va tashqi bozorlarda o‘z mavqeini mustahkamlash uchun barcha resurslarga ega, chunki qulay geografik joylashuvi tufayli o‘simlik yog‘i eksporti yetakchi yo‘nalish hisoblanadi”, – deya qo‘shimcha qildi Ibragimov.

• Markaziy_Osiyo
• Qozog‘iston
• Rossiya
• Yog‘