Qozog‘iston milliy xavfsizlik qo‘mitasi axborot xizmati Qo‘mitaning sobiq rahbari Karim Masimov qo‘lga olingani haqida xabar berdi. U va yana bir qator shaxslar davlatga xiyonat qilishda ayblanmoqda.

3 kun avval Olmaotadagi ommaviy tartibsizliklar ortidan MXQ rahbarligidan ketgan Masimov 6-yanvar kuni tergov izolyatoriga olingani ma’lum bo‘ldi.

Qayd etilishicha, unga nisbatan Qozog‘iston Respublikasi Jinoyat kodeksining 175-moddasi (davlatga xiyonat qilish) 1-qismi bilan bilan jinoyat ishi qo‘zg‘atilgan. Bu modda bilan aybdor deb topilganlar 15 yilgacha ozodlikdan, shuningdek, mamlakat fuqaroligidan mahrum etilishi mumkin.

• Qozog‘iston
• Xorij