2022-yil 19-yanvar kuni O‘zbekiston Tashqi mehnat migratsiyasi agentligiga Nur-Sulton shahri Yesil tumani migratsiya politsiyasi idorasida 18 nafar hujjatsiz O‘zbekiston fuqarolari ushlab turilgani to‘g‘risida ma’lumot kelib tushdi.

Ushbu ma’lumotga ko‘ra, Yesil tumani migratsiya politsiyasi idorasiga borib, 18 nafar O‘zbekiston fuqarolar bilan uchrashilgan. Uchrashuvdan so‘ng fuqarolarning pasporti borligi ammo, vaqtinchalik ro‘yxatga turish muddati tugaganligi va ishlash uchun ruxsatnomasi yo‘qligi ma’lum bo‘lgan.

Agentlik xodimlari tomonidan fuqarolarga Qozog‘iston qonunlarini buzmaslik, o‘rnatilgan tartibda hujjatlarni rasmiylashtirish borasida huquqiy tushuncha berildi.

Aniqlanishicha, fuqarolarning aksariyati Qozog‘istonga tanishlari orqali kelib, qurilishda ishlab kelayotgan bo‘lgan.

Uchrashuvda Yesil tumani migratsiya politsiyasi tomonidan birinchi marta Qozog‘istonga kelgan fuqarolarga ogohlantirish, ikki yoki ko‘p marta kelganlarga jarima yozildi. 

• Migratsiya
• Qozog‘iston