Olmaotada huquqni muhofaza qilish organlari xodimlari 27 nafar O‘zbekiston fuqarosini hibsga oldi. Shahar politsiya departamenti 2024-yil 5-iyun kuni voqea sabablarini oshkor qilgan.  Bu haqda Zakon.kz xabar berdi.

“Hozirda huquqbuzarlar  shahar ichki ishlar bo‘limining qabulxonasiga joylashtirildi. Har bir huquqbuzarning shaxsini ishonchli aniqlash bo‘yicha ishlar olib borilmoqda”, –  deydi Olmaota politsiya departamenti migratsiya xizmati boshlig‘i o‘rinbosari Gennadiy Men.

Shuningdek, tekshiruv doirasida Qozog‘iston Respublikasining migratsiya qonunchiligini buzgan 27 nafar O‘zbekiston va to‘qqiz nafar chet el fuqarosida shaxsni tasdiqlovchi hujjatlar bo‘lmagan. Hozirda har bir huquqbuzarning shaxsini ishonchli aniqlash bo‘yicha ishlar olib borilayotgani aytildi.

Bundan tashqari, 2024-yil 4-iyun kuni O‘zbekistonning to‘qqiz nafar fuqarosi Aksu hududida noqonuniy mehnat faoliyatini amalga oshirgani ma’lum bo‘lgan. Aytilishicha, hozirda ular Qozog‘istondan chiqarib yuborilgan.

• Migratsiya
• Qozog‘iston