Qozog‘istonda umumiy qo‘lga olingan namoyishchilar 5135 nafarni tashkil etmoqda. Bu haqda Ichki ishlar vazirligi rahbariyati televideniye orqali ma’lum qildi.
Shundan:
- 134 kishi o‘ta og‘ir jinoyatlarni sodir etishda gumonlanib, vaqtincha saqlash izolyatorlariga joylashtirilgan;
- 516 fuqaro ma’muriy qamoqqa olingan;
- qolganlarga nisbatan tekshiruv va tezkor tadbirlar amalga oshirilgan.
Xabarda keltirilishicha, tartibsizliklar paytida 7 ta qurol do‘koni talon-taroj qilingan, u yerda jinoyatchilar qurol va o‘q-dorilarni egallab olgan.
5-yanvar kuni Olma-otaning barcha hududlaridan 20 mingga yaqin odam maydon markaziga kelib, hokimlik binosini egallab olgan. Katta olomonning hujumi ostida politsiya orqaga chekinishga majbur bo‘lgan.
Ta’kidlanishicha, 800 ga yaqin jinoyatchi xalqaro aeroportni egallab olgan. Namoyishchilar o‘z harakatlarini muvofiqlashtirish uchun radiostansiyalardan foydalangan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!