Bugun, 11-yanvar kuni Samara-Chimkent avtomobil yo‘lining 1153 kilometrida, Irg‘iz tumanidan 20 km uzoqlikda yo‘lovchi avtobusi yo‘lda qolib ketgan.

Bu haqda Qozog‘iston Favqulodda vaziyatlar boshqarmasi matbuot xizmati xabar berdi.

Avtobusda 3 nafar Qozog‘iston va 38 nafar O‘zbekiston Respublikasi fuqarosi bo‘lgan.

Noqulay ob-havo, yo‘lning yopilishi munosabati bilan barcha yo‘lovchilar Irg‘iz qishlog‘idagi umumta’lim maktabiga joylashtirilgan.

Shu kuni Samara-Chimkent avtomobil yo‘lining 968-kilometrida, Qorabutoq qishlog‘idan 2 km uzoqlikda, yo‘lovchi avtobusi uchun ham yordam zarurligi haqida ma’lumot kelib tushgan. Ushbu avtobusda jami 31 nafar O‘zbekiston Respublikasi fuqarosi bo‘lgan. Ular Qorabutak qishlog‘i masjidiga joylashtirilgan.

• Avtobus
• Maktab
• Masjid
• Qozog‘iston