Qozog‘izstonda Olmaota va Oqmo‘la viloyatlari politsiya boshqarmasi sobiq boshlig‘i Jaylaubek Xaliquli ertalab tergov izolyatoridan qo‘riqchilar tomonidan o‘lik holda topildi.

“Qamoqqa olingan Xoliquli J.ni qorovul ertalab soat 7 larda topdi. Muassasa navbatchisi zudlik bilan birinchi tibbiy yordam ko‘rsatdi. Ko‘rilgan choralarga qaramay, sudlanuvchini qutqarib qolishning imkoni bo‘lmadi. Voqea joyiga yetib kelgan tez tibbiy yordam brigadasi mexanik asfiksiya natijasida halok bo‘lganini ma’lum qildi”, — deya xabar bergan Qozog‘iston Respublikasi IIV matbuot xizmati.

Qayd etilishicha, voqea joyiga tezkor- tergov guruhi, prokuratura vakillari va viloyat IIB rahbariyati yetib kelgan.

Shuningdek, boshqa mahbuslar bilan suhbat o‘tkazilgan.

“Tekshiruv natijasida unga nisbatan noqonuniy xatti-harakatlar sodir etilgani aniqlanmadi. “Hududiy boshqarma xodimlari tomonidan ichki audit tayinlangan bo‘lib, uning natijalariga ko‘ra amaldagi qonunchilikka muvofiq chora-tadbirlar ko‘riladi”, — deya qo‘shimcha qilgan IIV matbuot xizmati.

• Qozog‘iston