Qozog‘istonda ko‘kyo‘taldan o‘lim holatlari qayd etilgan. Bu haqda “Kaz Tag” xabar berdi.

Milliy sog‘liqni saqlash markazining ma’lumotlariga ko‘ra, tasdiqlangan ko‘kyo‘tal holatlarini: 88,9% – emlanmaganlar, 97,8% esa 14 yoshgacha bo‘lgan bolalar tashkil etgan.

Ma’lumotlariga ko‘ra, ko‘kyo‘taldan vafot etgan bola 1 yosh 11 oylik bo‘lgan. Aniqlanishicha, chaqaloq emlanmagan. Sog‘liqni saqlash vaziri Akmaral Alnazarova fikricha, bunday holatda emlashdan bosh tortgan ota-onalar ham bir xil javobgardirlar.

Qozog‘istonda 2024-yil boshidan buyon 1353 ta ko‘kyo‘tal holati qayd etilgan, har 100 ming aholiga nisbatan ko‘rsatkich 6,8 ni tashkil etgan. 2023-yilda 421 ta holat qayd etilgan bo‘lib, 100 ming aholiga nisbatan ko‘rsatkich 2,1 bo‘lgan.

• Kasallik
• O'lim
• Qozog‘iston