Qozog‘iston korrupsionerlarning ommaviy reyestrini yaratish niyatida. Bu haqda Korrupsiyaga qarshi kurashish agentligi raisining birinchi o‘rinbosari Ulan Sarqulov ma’lum qildi.

“Bu profilaktika vositasi bo‘lib, uning asosiy maqsadi – jamoatchilikning qoralashi orqali jamiyatda korrupsiyaga nisbatan qarshilikni shakllantirishdan iborat. Reyestrga og‘ir va o‘ta og‘ir korrupsiya jinoyatlarini sodir etganlikda aybdor deb topilgan shaxslar to‘g‘risidagi ma’lumotlar kiritiladi. Jismoniy shaxslarni reyestrga kiritish uchun sudning qonuniy kuchga kirgan ayblov hukmi asos bo‘ladi”, – degan Sarqulov.

Majlis deputatlari ushbu yangi qonun loyihasini birinchi o‘qishda ma’qullagan.

Reyestr Korrupsiyaga qarshi kurashish agentligining veb-saytiga joylashtiriladi. Unda korrupsiyaga uchragan mansabdor shaxsning familiyasi va ismi, uning ish joyi va jinoyat sodir etilgan paytdagi lavozimi, jinoyat tarkibi, ayblov hukmi tafsilotlari va tayinlangan jazo ko‘rsatiladi.

Ushbu “qora ro‘yxat”dan chiqarish qonuniy kuchga kirgan va sudlanganlik olib tashlangan oqlov hukmi asosida amalga oshiriladi.

• Amaldorlar
• Korrupsiya
• Qozog‘iston