Qozog‘iston Respublikasining Karaganda viloyatida “Harbiy hamkorlik – 2023” nomi ostida MDH davlatlari havo hujumidan mudofaa tizimlari qo‘shma kuchlarini o‘qitish bo‘lib o‘tmoqda. Bu haqda Qozog'iston Mudofaa vazirligi xabar berdi.

Qayd etilishicha, mashg‘ulotlarda qozoq kuchlaridan tashqari Qirg‘iziston Qurolli kuchlari ham qatnashmoqda. Ta’kidlanishicha, zenit-raketa majmualari o‘quv va harbiy harakatlarni amalga oshirishga kirishgan.

"Mashg'ulotlarning faol bosqichi 14-15-sentyabr kunlari bo'lib o'tadi. Qirg‘iziston havo hujumidan mudofaa ekipajlari “Pechora 2BM” mobil zenit-raketa majmuasidan amaliy o‘q uzishni amalga oshiradi. U qisqa va o'rta masofada joylashgan boshqariladigan va uchuvchisiz havo hujumi qurollarini yo'q qilish uchun mo'ljallangan”, – deyiladi xabarda.

Mashg‘ulotlarning faol bosqichi O‘zbekiston, Rossiya, Qirg‘iziston va Armaniston mudofaa idoralari hamda ularning havo hujumidan mudofaa tuzilmalari tomonidan nazorat qilinadi.

Eslatib oʻtamiz, yil boshida Qirgʻizistonga modernizatsiya qilingan “Pechora-2 BM” mobil zenit-raketa majmuasi olib kelingan edi. Uskunalar Belarusdan xarid qilingan.

• Harbiy xizmatchilar
• MDH
• Qozog‘iston