2023-yil 20-fevral kuni Rossiyada 10 yil xizmat qilgan 49 yoshli O‘zbekiston fuqarosi Shimkent ko‘chasida otishma sodir etgan. U bankdan o‘g‘irlik qilmoqchi bo‘lgan. Ushbu jinoyat yuzasidan sud jarayoni o‘tkazilib, ayblanuvchiga 15 yilga ozodlikdan mahrum qilish jazosi tayinlangan.

Mazkur shaxs bir vaqtning o‘zida bir nechta moddalarda hukm qilingan va aybdor deb topilgan. Shimkentda sodir bo‘lgan mazkur voqea guvohlarning ko‘rsatmalari va ekspert xulosalari, voqea joyini tekshirish protokollari va ashyoviy dalillar bilan isbotlangan.

U jinoyat sodir etishiga moliyaviy qiyinchiliklar sabab bo‘lgani, avvaliga qurol do‘konini ham tunashni rejalashtirganini tan olgan.

Erkak ilgari Rossiyada qotillik uchun 10 yilni koloniyada o‘tkazgan va o‘tgan yili ozodlikka chiqqanligi aniqlangan.

O‘zbekiston fuqarosining qarindoshlari uning sud jarayoniga kelmagan. Ma'lum bo‘lishicha, u turmush qurgan va ikki nafar farzandi bor. Mahkumni vataniga, O‘zbekistonga deportatsiya qilish mumkin emas deyiladi xabarda. U jazoni o'rta xavfsizlik jinoyat-ijroiya tizimi muassasasida o'taydi.

• Qozog‘iston
• Rossiya