Joriy yilning 2-yanvarida Qozog‘istonning Mangistau viloyatida boshlangan gaz narxining ko‘tarilishiga qarshi namoyish ikki kun o‘tib, deyarli butun mamlakatga yoyildi.
Gan shundaki, aholi suyultirilgan gazning narxini ikki baravar (bir litri uchun 120 (0,28 dollar) tengedan 60 (0,14 dollar)gacha) kamaytirishni so‘rab chiqqan edi.
Hokimiyat vakillari dastlab gaz narxi davlat tomonidan tartibga solinmasligini, 1-yanvardan boshlab uning narxi (benzin va dizel kabi) bozor va raqobat muhitida shakllantirilayotganini ma’lum qilib kelayotgan edi.
Namoyish ishtirokchilari safi kengayib borishi ortidan mamlakat prezidenti Qosim-Jomart Tokayev bir necha bor xalqqa murojaat bilan chiqdi.
“Namoyishchilarni jamiyatimiz barqarorligi va hamjihatligiga putur yetkazishdan manfaatdor buzg‘unchi shaxslarning da’vatlariga ergashmaslikka chaqiraman”, – deb yozib qoldirgan u tvitlarining birida.
Shuningdek, Tokayev ertaga poytaxtda bo‘lib o‘tadigan yig‘ilishda ijtimoiy-iqtisodiy xarakterdagi boshqa talablar ham alohida ko‘rib chiqilishiga va’da bergan.
Bugungi kunning so‘ngiga kelib, mahalliy hokimliklar mamlakatda suyultirilgan gaz narxi 50 tengegacha tushirilganini e’lon qildi. Bu namoyishchilarning asosiy talabi edi.
Shu bilan birga namoyishchilar miting paytida qo‘lga olinganlarni qo‘yib yuborish talabini ham qo‘yishmoqda. Mahalliy hukumat bu masalani ham ijobiy hal qilishni va’da bergan.
So‘nggi xabarlarga ko‘ra, mamlakatda internet, jumladan, WhatsApp, Instagram va Telegram bloklandi. Shuningdek, namoyishchilarni hibsga olish ham to‘xtamagan.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!