Qozog‘istondagi tartibsizliklar fonida to‘rt nafar mahalliy milliarder jami 3 milliard AQSh dollar yo‘qotgan.

Namoyishlar tufayli mablag‘idan ajralganlar orasida sobiq prezident Nursulton Nazarboyevning qizi va kuyovi ham bor.

Shunday qilib, Forbes ma’lumotlariga ko‘ra, Kaspi Bank mahalliy to‘lov va Fintex kompaniyasi direktorlar kengashi raisi Vyacheslav Kimning boyligi 1,4 milliard AQSh dollarga qisqargan. Kaspi Bank aksiyalari atigi ikki kun ichida 30 foizga – 188 dollardan 87 dollargacha tushib ketgan.

Bundan tashqari, Kaspi Bank bosh direktori, asli gruziyalik Mixail Lomtadzening ham kapitali 5,2 milliard dollardan 3,8 milliard dollarga kamaygan.

Ma’lumotlarga ko‘ra, Nazarboyevning qizi Dinara Qulibayeva va uning turmush o‘rtog‘i Timur Qulibayev jami 200 million dollarga yo‘qotishgan. Shuningdek, er-xotin 4-6 yanvar kunlari aksiyalari 16 foizga arzonlagan Xalq bankini nazorat qiladi. Ularning har birining boyligi, Forbes ma’lumotlariga ko‘ra, 3,1 milliard AQSh dollarni tashkil qiladi.

• Bank
• Qozog‘iston
• milliarderlar