Ijtimoiy tarmoqlarda Qozog‘istonda pushti flamingolar galasi to‘xtagani aks etgan videolar tarqaldi. Ular Aqtau shahri yaqinidagi Qorako‘l ko‘liga tushgan. Mahalliy fuqaro Azamat Sarsenbayev ko‘lda yurgan qushlar galasini tasvirga olishga muvaffaq bo‘lgan.

Qayd etilishicha, bir-ikki hafta ichida qushlar janubga Iroq yoki Turkmanistonga boradi.

Ta’kidlash mumkin, yil davomida Qorako‘lga “Qizil kitob”ga kiritilgan 21 turdagi qushlar tashrif buyuradi.

Eslatib o‘tamiz, Azamat Sarsenbayev Qozog‘iston tabiati hayoti haqidagi videolari tufayli shuhrat qozongan. U bir necha bor uchayotgan flamingolar tasvirini ijtimoiy tarmoqlarga joylashtirgan.