Qo‘shni Qozog‘istonning Olmaota shahrida ro‘y berayotgan tartibsizliklarga qarshi harbiy amaliyotlar vaqtida bir bola halok bo‘ldi, yana bir o‘smir yaralandi. Avvalroq ijtimoiy tarmoqlardagi mahalliy aholi vakillariga tegishli guruhlarda yosh bola nobud bo‘lgani aytilayotgan videolar tarqalgandi. Endilikda bu ma’lumot Qozog‘iston Respublikasi Bola huquqlari bo‘yicha vakili Arujan Sayin tomonidan ham tasdiqlandi.

Uning so‘zlariga ko‘ra, 5-yanvar kunidagi otishmalar 11 yoshli bola halok bo‘lgan. O‘t ochish boshlangan vaqtda bola yaqinlari hamrohligida ko‘chada ketayotgan bo‘lgan.

Shuningdek, juma kuni salonida ota va uning 15 yoshli farzandi bo‘lgan avtomobil o‘qqa tutilgan. Og‘ir jarohatlangan bolani Olmaotadagi bolalar kasalxonalaridan biriga olib borishgan. Shifokorlar bolaning hayotini saqlab qolish uchun kurashayotgani, uning otasi ham yarador bo‘lib, kasalxonaga yotqizilgani aytilmoqda.

• Namoyish
• Qozog‘iston
• Xorij