Qozog‘iston hududiga Rossiya qo‘llayotgan “Shahed” dronlariga o‘xshash dron qulab tushdi. Bu haqda “Zakon” nashri xabar bermoqda.

Qayd etilishicha, G‘arbiy Qozog‘iston viloyati politsiya departamenti vakolatli xizmatlar bilan birgalikda Tasqalin tumanida uchuvchisiz uchish apparatiga o‘xshash buyum topilgani bo‘yicha tekshiruv ishlarini olib bormoqda.

Ta’kidlanishicha, obyekt aholi punktlaridan uzoqda, chekka hududga qulab tushgan va butun holatda hech qanday shikastlarsiz topilgan.

Guvohlarning aytishicha, uning uzunligi taxminan 3 metrni tashkil qiladi. Korpusidagi yozuvlarga ko‘ra, bu “Geran-2” bo‘lishi mumkin.

“Hozirda voqeaning barcha tafsilotlari o‘rganilmoqda”, – deyiladi xabarda.

• Qozog‘iston
• dron