Italiyalik yigit COVID-19 ga qarshi vaksinatsiyadan o‘tganligi haqidagi raqamli sertifikatni tatu sifatida qo‘liga urdirdi.

22 yashar yigitning gapiga ko‘ra, bu qulay va original, restoran yoki kinoteatrga kirishda undan vaksina qilinganligi haqidagi sertifikatni so‘rashganida chap bilagini ko‘rsatsa bo‘ldi.

Ma’lumot uchun, italiyaliklar jamoat joylarida yurish uchun o‘zlari bilan Green Pass («yashil pasport») — vaksinatsiyadan o‘tganligi to‘g‘risidagi COVID-sertifikat olib yurishi talab qilinmoqda. Ushbu sertifikatlarni shaharlararo sayohatda, restoran, teatr, kinoteatr, stadionlar hamda boshqa jamoat joylarida ko‘rsatish zarur.

Yevropada, shu qatori Italiyada ham aholining QR-kodlarga qarshi norozilik namoyishlari davom etmoqda. Xususan, 20-dan 21-noyabrga o‘tar kechasi minglab odamlar Rimdagi Katta sirk binosi atrofida yig‘ilib, yashil pasportga qarshi namoyishga chiqqanlar.

• COVID-19
• Vaksina
• Yevropa