Qualcomm kompaniyasi Qompute Card nomli konsepsiyasi ustida ishlamoqda. Qayd etilishicha, konsepsiya kompyuterning asosiy unsurlarini o‘zida jam etgan uncha katta bo‘lmagan platadan iborat.

Kompaniyaning ma’lumot berishicha, protsessor, operativ xotira, flesh-xotiradan iborat plata shaxsiy kompyuterning konfiguratsiyasini tez va oson o‘zgartirish yoki bunday platalarni turli portativ qurilmalarda foydalanish imkonini beradi. Bundan tashqari, bunday yechim maishiy texnikada ham o‘z o‘rnini topishi mumkin.

Shu narsani ta’kidlab o‘tish zarurki,  bunday konsepsiya yangilik hisoblanmaydi. Hali 2017-yildayoq Intel kompaniyasi o‘zining xuddi shunga o‘xshash g‘oyasini taqdim etgandi. Intel Compute Card deb nomlangan loyiha ko‘pga bormay yopilgandi, kompaniya bunday qurilmalarni bozorda yoyishning imkonini topolmagach voz kechgandi.

• texnologiya