O‘zbekiston musulmonlari idorasi Ulamolar kengashining Qurbon hayitining birinchi kuni 16-iyunga to‘g‘ri kelishi haqidagi qarorini inobatga olib, 2024-yilning 16-iyun kuni poytaxtimizdagi 121 ta masjidda hayit namozi o‘qilishi kutilmoqda.

Qurbon hayiti namozini yuqori saviyada va tartibli o‘tkazish, fuqarolarga zarur shart-sharoit yaratish va ularning xavfsizligini ta’minlash maqsadida 16-iyun soat 00:00 dan 7:00 gacha masjidlar joylashga hududlarga tutash yo‘llarda avtotransport vositalarining harakati to‘liq cheklanishi ma’lum qilindi.

Fuqarolardan vaqtincha aylanma yo‘llardan foydalanish tavsiya etilgan.

Shuningdek, Hayit namozini yuqori saviyada va tartibli o‘tkazish, fuqarolarga zarur shart-sharoit yaratish va ularning xavfsizligini ta’minlash maqsadida 16-iyun soat 00:00 dan 10:00 ga qadar poytaxtimizda barcha turdagi yuk transport vositalarining harakati to‘liq (kirish-chiqish-shahar ichida harakatlanish) vaqtincha cheklanadi.

• Hayit
• Masjid