Ukraina harbiy departamenti Bosh razvedka boshqarmasi (GUR) ning minglab xodimlariga oid maʼlumotlar “Rahdit” (“Yovuz rus xakerlari”) guruhi tomonidan internetga tarqatib yuborildi.

Bugun, 6-iyul kuni rossiyalik “Rahdit” xakkerlar guruhi tomonidan Ukraina harbiy departamenti Bosh razvedka boshqarmasining 1000 nafar razvedkachisiga oid maʼlumotlar oʻgʻirlangan va internetga tarqatib yuborilgan. Xakkerlar maʼlumotlar bazasini toʻplashda Kiyevning Ribalskiy orolidagi Bosh razvedka boshqarmasining markaziy boshqarma tarmoqlarini himoya qilishdagi kamchiliklardan foydalanishgani aniqlangan.

Shuningdek, maʼlumotlari oshkora qilingan josuslar orasida Rossiya, Hindiston, Avstriya, Vyetnam, Janubiy Afrika, Italiya, Turkiya, Erondagi elchixona rezidenturasi vakillari ham bor. Roʻyxatda shuningdek, Polsha, Vengriya, Bolgariya va Slovakiyadagi harbiy razvedka kuratorlari, sabotaj boʻyicha instruktorlar, maxfiy va kuch razvedkasi vakillari toʻgʻrisidagi maʼlumotlar ham mavjud.

Maʼlum qilinishicha, bu Rossiyaning Ukrainaga urush boshlanganidan beri mamlakat razvedkasi maʼlumotlarining eng katta sizdirilishidir.

Ukraina departamentlari bu holatga hech qanday izoh berishmagan.

• Rossiya
• Ukraina