Checheniston rahbari Ramzan Qodirov Turkiya hukumatini Rossiyada jinoyat sodir etgan terrorchilarni qo‘llab-quvvatlashda aybladi va Rossiya Tashqi ishlar vazirligini bu davlatga nisbatan diplomatik choralar ko‘rishga chaqirdi.
“Checheniston Respublikasi parlamenti, huquq-tartibot idoralari va din arboblari vakillari menga murojaat etib, Rossiyada jinoyat sodir etgan hamda mamlakat va respublika rahbariyatiga internetda loy chaplayotgan terrorchilarni himoya qilgan turk hukumatining harakatlariga javob qaytarishni so‘rashdi”, – deya yozgan Qodirov o‘zining Telegram kanalida.
Ramzan Qodirov Turkiya prezidenti Rajab Toyyib Erdog‘anga “yoki terrorchilarni qo‘llab-quvvatlash, yoki Rossiya bilan shaffof va halol munosabatlarni olib borish” talabini qo‘ygan.
Qodirovning ta’kidlashicha, “qidiruvdagi banditlar va bezorilar Turkiyada boshpana topayotgan, bog‘larni terrorchilar nomi bilan atash uchun yig‘ilishlar va tadbirlar uyushtirayotgan bir paytda” Checheniston javob qaytarish huquqini o‘zida saqlab qoladi. U javob tariqasida Turkiya turmalaridan birida umrbod qamoq jazosini o‘tayotgan Kurdiston ishchi partiyasi asoschisi Abdulla O‘jalon nomi Grozniyda abadiylashtirilishi mumkinligini aytdi.
Shuningdek, Qodirov Rossiya Tashqi ishlar vazirligini Turkiya rasmiylariga qarshi preventiv diplomatik choralar ko‘rishga chaqirdi.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!