Checheniston rahbari Ramzan Qodirovning katta o‘g‘li Axmat respublikaning jismoniy tarbiya va sport vaziri etib tayinlandi.

“Jismoniy tarbiya va sport vaziri lavozimiga Axmat Qodirov tayinlandi. Ilgari ushbu lavozimni egallagan Iso Ibrohimov bosh va hukumat ma’muriyati rahbarining o‘rinbosari lavozimiga o‘tkazildi”, – deb yozgan Ramzan Qodirov Telegram kanalida.

18 yoshli Axmat Qodirov 2022-yildan Checheniston rahbarining maslahatchisi, Rossiya bolalar va yoshlar harakatining mintaqaviy raisi bo‘lib ishlagan.

2023-yil noyabr oyida u Checheniston jismoniy tarbiya vazirining o‘rinbosari, fevral oyida esa yoshlar ishlari vaziri etib tayinlandi. U respublika parlamentining “Vatan sharafi” oliy ordeni va Qodirov ordeni bilan mukofotlangan.

Axmat Qodirov noyabr oyida 19 yoshga to‘ladi.

• Checheniston
• Ramzan Qodirov