O‘zbekiston Respublikasi Raqobatni rivojlantirish va iste’molchilar huquqlarini himoya qilish qo‘mitasining Toshkent shahar hududiy boshqarmasi tomonidan “Toshkent shahar suv ta’minoti”dan norozi bo‘lib qilgan murojaati o‘rganib chiqilgan. Bu haqda Raqobat qo‘mitasi ma’lum qildi.

Mazkur murojaatni o‘rganish jarayonida “Toshkent shahar suv ta’minoti” va “Uzcarlsberg” o‘rtasida “Chiqindi suvlarni shahar kanalizatsiyasiga chiqarish to‘g‘risida”gi kommunal-ekologik normativ hujjat rasmiylashtirilgan. Unga ko‘ra, “Uzcarlsberg ”ga chiqindi suvlarni shahar kanalizatsiyasiga chiqarib yuborish uchun suv hajmi 68 foiz koeffitsiyent qo‘llanishi belgilangan. Biroq, “Toshkent shahar suv ta’minoti” tomonidan “Uzcarlsberg”ga 76 foiz koeffitsiyent qo‘llanilganligi natijasida 75 mln so‘mga yaqin ortiqcha to‘lov hisoblanganligi aniqlangan.

Yuqoridagi holat bo‘yicha, hududiy boshqarma tomonidan “Toshkent shahar suv ta’minoti”ga nisbatan “Tabiiy monopoliyalar to‘g‘risida”gi Qonuning 16-moddasi (tabiiy monopoliya subyektlarining tovarlaridan foydalanish shartlarini tiqishtirish yoki tabiiy monopoliya subyektlarining belgilangan narxlarda (tariflarda) hisobga olinmagan haq undirish evaziga daromad olishga olib keladigan boshqacha xatti-harakatlarni sodir etish man etiladi) talablarini buzganlik alomatlari mavjud deb belgilangan tartibda ish qo‘zg‘atilgan.

• Suv ta’minoti
• Toshkent