O‘zbekiston Respublikasi Prezidentining tegishli farmonlari bilan Zoir Toirovich Mirzayev boshqa ishga o‘tishi munosabati bilan Qashqadaryo viloyati hokimi lavozimidan ozod etildi.

Qashqadaryo viloyati hokimi vazifasini bajaruvchi etib Murotjon Berdialiyevich Azimov tayinlandi.

Ma’lumot uchun, Zoir Mirzayev viloyatni 2019-yilning oktyabridan buyon boshqarib kelayotgan edi.

Murotjon Azimov esa bunga qadar Davlat bojxona qo‘mitasining raisi vazifasida ishlab kelayotgan edi.

Murotjon Azimov 1976-yilda Qashqadaryo viloyatida tug‘ilgan.

1998-yilda Toshkentdagi yuridik institutini tugatgan. Qarshi shahar prokuraturasida tergovchi, Qashqadaryo viloyat prokuraturasiga prokuror, keyinroq viloyat prokurorining o‘rinbosari va tuman prokurori lavozimlarida ishlagan.

2014-yilda u Buxoro viloyati prokurori etib tayinlanib, u yerda 2016-yilgacha ishlagan. 2016-yil sentyabr oyidan boshlab u O‘zbekiston Respublikasi Bosh prokurorining o‘rinbosari lavozimida ishlagan. 2018-yilda u bojxona xizmati general-mayori unvoniga ega bo‘lgan.

Davlat bojxona qo‘mitasining raisi bo‘ldi. Murotjon Azimov ushbu lavozimda 2016 yilning dekabridan buyon ishlab kelgan general-mayor Muidjon Toxiriy o‘rnini egalladi.

• Bojxona
• Qashqadaryo
• Tayinlov