Dunyoning mashhur brendlari O‘zbekistonga taklif etiladi. Bu haqda 2022-2026 yillarga mo‘ljallangan taraqqiyot strategiyasini 2022-yilda amalga oshirish bo‘yicha “yo‘l xaritasi” loyihasida so‘z boradi.

Ma’lum qilinishicha, O‘zbekistonda dunyoning mashhur H&M (Shvetsiya), ZARA (Ispaniya), LC Waikiki (Turkiya), PUMA (Germaniya), Reebok (Buyuk Britaniya), Uniqlo (Yaponiya) kabi brendlari hamkorligida eksportbop mahsulotlar ishlab chiqarish yo‘lga qo‘yiladi.

Qayd etilishicha, Adidas (Germaniya), Bogner (Germaniya), Bata (Shveysariya), Geox (Italiya), Diadora (Italiya), Pakerson (Italiya), Sasha Fabiani (Xitoy) kabi dunyoga mashhur poyabzal brendi buyurtmalarini jalb etish hisobiga 130 million AQSh dollarlik oyoq kiyimlar eksporti ta’minlanadi.

Bundan tashqari, brend egalari O‘zbekistonga taklif etilib, tayyor mahsulot eksportchi korxonalari bilan hamkorlik o‘rnatiladi. Shuningdek, tayyor mahsulot ishlab chiqaruvchilarini xorijiy mutaxassislarni jalb qilgan holda o‘qitish rejalashtirilgan.

• Hamkorlik
• Loyiha