Majburiy ijro byurosining xabar berishicha, Toshkent viloyatida aliment toʻlash bilan bogʻliq rekord qayd etildi.

Keltirilishicha, Toshkent tumanida ayol 3, 4 va 6 yoshli farzandlari taʼminoti uchun 18 yoshgacha boʻlgan aliment qarzdorligini toʻlash istagini bildirgan. Boisi ayol davolanish uchun chet elga chiqishi kerak boʻlgan. Alimentdan qarzdorligi va shu sababli MIB taqiqi boʻlgani uchun ayol davolanishga keta olmayotgan boʻlgan.

Uch nafar farzandi uchun 2039-yilgacha aliment toʻlovi 1 mlrd 748 mln 902 soʻm etib hisoblangan va ushbu summa undiruvchiga topshirilgan.

Ma’lumot uchun, MIB tarixida yirik aliment to‘lovlari - Buxoroda 810 mln. so‘m (2020-yil, sentyabr), Toshkent shahrida 800 mln. so‘m (2021-yil, iyul) va Andijon viloyatlarida 547 mln.so‘m (2024-yil, avgust) miqdorida amalga oshirilgan.

• Aliment