Qayd etilishicha, yangi yil arafasida Respublika ixtisoslashtirilgan pediatriya ilmiy-amaliy tibbiyot markazining jami beshta — Chaqaloqlarni parvarish qilish, Chaqaloqlar patologiyasi va reanimatsiyasi, Gepatologiya, Nefrologiya hamda Umumiy pediatriya bo‘limida profilaktik yuvish-tozalash va zararsizlantirish ishlari amalga oshirilgan.

Ma’lum qilinishicha, ushbu bo‘limlarning barchasi bugun, 6-yanvar kunidan qayta ochilgan va bu holat tabiiy ravishda bemorlar oqimi nisbatan ortishiga sabab bo‘lgan.

Bundan tashqari, markaz ijtimoiy tarmoqlardagi xabarlarda qayd etilgan yuqumli kasalliklarga chalingan bemorlarni qabul qilish va davolashga ixtisoslashtirilmagan.

“Shunday ekan, Sog‘liqni saqlash vazirligi ijtimoiy tarmoq foydalanuvchilaridan turli asossiz va tekshirilmagan xabarlar tarqatmaslikni so‘raydi”, – deyiladi Sog‘liqni saqlash vazirligi xabarida.

• Kasallik
• SSV
• Virus