Ukrainadagi harbiy mojaro “jahon urushi”dir va yaqin orada tugamaydi. Bu haqda Rim papasi Frensis Ispaniyaning ABC gazetasiga bergan intervyusida aytib o‘tdi.

“Men qisqa muddatda tugashini ko‘rmayapman, chunki bu jahon urushi. Buni unutmaylik. Urush qozonini qo‘zg‘atadigan qo‘llar ko‘p. Bu globaldir”,– deydi u.

Papaning so‘zlariga ko‘ra, Ukrainadagi kabi harbiy to‘qnashuv “imperiya zaiflasha boshlaganda”, “ishlatish, sinovdan o‘tkazish va sotish” mumkin bo‘lgan qurollar bor bo‘lganda va “ko‘p narsa xavf ostida” qolganda yuzaga keladi.

Rim papasining ta’kidlashicha, Vatikan qo‘lidan kelgan barcha ishni qilmoqda, biroq mojaro tomonlari “eshitishmayabdi”. “Ukrainada sodir bo‘layotgan voqealar dahshatli”, - deb xulosa qildi u.

• Rim papasi
• Uchinchi jahon urushi
• Ukraina