“Kruzeyro” prezidenti Serxio Santos Rodriges klubning FIFA oldidagi 7,7 million yevro qarzi haqida gapirib oʻtdi. Keltirilishicha, bu qarzni “Kruzeyro”ning yangi xoʻjayini, braziliyalik sobiq futbolchi Ronaldo toʻlaydi.

“Ronaldo qarzni toʻlaydi. Nazariy jihatdan, u uyushmaga tegishli, lekin toʻlanishi kerak, aks holda oʻynash mumkin boʻlmaydi. Kelgusi yil Rodrijinyo bilan shartnoma imzolash uchun bizda katta xarajatlar boʻladi.

Ronaldo va men FIFA tomonidan maoshlar kechiktirilmasdan va sanksiyalarsiz toʻlanishi va kelasi yil yaxshi natijalarga erishishni kafolatlamoqchimiz”, — deya Rodrigesning soʻzlarini keltiradi Mundo Deportivo.

Eslatib oʻtish mumkin, shu oyda Ronaldo Kruzeyroning 90% aksiyasini 62,5 million yevroga sotib olgani haqida xabar berilgan edi.

Maʼlumot uchun, Ronaldo futbolchilik faoliyati mobaynida “Kruzeyro”, “PSV”, “Barselona”, “Inter”, “Real”, “Milan” va “Korintians” klublarida toʻp tepgan. Braziliya terma jamoasi bilan ikkita jahon chempionatida ham gʻalaba qozongan.

• Futbol
• Xorij