Rossiyalik tergovchilar Krasnogorskdagi Krokus City Hall konsert zalida sodir etilgan teraktni tergov qilishda uch davlat huquq-tartibot idoralaridan yordam so‘radi. Bu haqda TASS nashri xabar berdi.

“Uchta xorijiy davlatning vakolatli organlariga huquqiy yordam so‘rab sakkizta so‘rov yuborilgan, jinoyatning barcha holatlarini aniqlashga qaratilgan boshqa tergov va protsessual harakatlar amalga oshirilgan”, — deyiladi xabarda. 

Shuningdek, ish bo‘yicha 1,7 mingdan ortiq kishi jabrlanuvchi sifatida tan olingani va so‘roq qilingani, 800 dan ortiq kishi guvoh sifatida so‘roq qilingani qayd etilgan. 20 dan ortiq tintuv o‘tkazilib, jinoyat sodir etilgan joylar 65 dan ortiq ko‘rikdan o‘tkazilgan, 650 dan ortiq turli sud-tibbiy ekspertizalari tayinlangan.

• Rossiya