BMT xavfsizlik kengashi 2-aprel kuni Isroilning Suriyadagi Eron diplomatik muassasasiga hujumi munosabati bilan Rossiyaning iltimosiga binoan ochiq yig‘ilish o‘tkazadi. Bu haqda, Rossiya Federatsiyasining BMTdagi postpredning birinchi o‘rinbosari Dmitriy Polyanskiy ma’lum qildi.

“Isroilning Damashqdagi Eron konsulligiga havo hujumidan so‘ng, eronliklar BMT xavfsizlik Kengashiga ushbu harakatni qoralash uchun murojaat qilishdi. Eronliklarning maktubini ishlab chiqish uchun biz BMT xavfsizlik Kengashining ochiq majlisini so‘radik. Malta raisligi uni 2-aprel kuni Nyu-Yorkda soat 15:00 ga (Moskva vaqti bilan soat 22:00) tayinladi”, – deb yozdi u o‘zining Telegram kanalida.

Avvalroq, Eronning BMTdagi missiyasi Isroilning Damashqdagi Eron konsulligiga qarshi havo hujumini “qo‘rqoq terrorchilik harakati” va BMT nizomini ochiqdan-ochiq buzish deb atagan, jahon tashkiloti xavfsizlik Kengashini yahudiy davlatining zarbasini qoralashga va choralar ko‘rishga chaqirilgandi.

• BMT
• Eron
• Isroil
• Rossiya
• Suriya
• Tashqi ishlar vazirligi