Bugun va erta — 16–17-noyabrda M.V Lomonosov nomidagi MDU bazasida Ikkinchi Rus-o‘zbek ta’lim forumi bo‘lib o‘tmoqda.

Rossiya prezidenti Vladimir Putin forum qatnashchilariga salom yo‘llarkan, pandemiya sharoiti bo‘lishiga qaramay ikki davlat bu soha bo‘yicha juda yaxshi hamkorlikni yo‘lga qo‘yganini e’tirof etdi.

Xususan, Rossiya prezidenti O‘zbekistondagi rus OTMlari filiallari tarmog‘i kengayayotganini ta’kidladi. O‘zbekistonda 14 ta OTM faoliyat olib bormoqda, 15-OTM – Sankt-Peterburg davlat universiteti filiali esa Toshkentda ochilish arafasida. Bundan tashqari, Putin Rossiyadagi o‘zbek talabalari soni ham doimiy o‘sib borayotganini aytdi. "Bu yil o‘zbek talabalarining soni 43 ming nafardan oshdi", – deydi Rossiya prezidenti.

Forumda O‘zbekiston va Rossiya vazirlik va idoralari rahbarlari, fan akademiyalari prezidentlari, 100 dan oshiq rektorlar qatnashmoqdalar.

• O‘zbekiston
• Rossiya