Ma’lum qilinishicha, Rossiya Aerokosmik kuchlari harbiy-transport aviatsiyasining 19 ta samolyoti Olmaota shahri aerodromidan havoga ko‘tarildi. Bu haqida 16-yanvar, yakshanba kuni Rossiya Federatsiyasi Mudofaa vazirligi xabar berdi.

“Ayni vaqtda Rossiya Aerokosmik kuchlari harbiy-transport aviasiyasining 19 ta samolyoti (18 ta Il-76 va bitta An-124 samolyoti) Qozog‘istondan Rossiya tinchlikparvar kuchlarini olib ketmoqda”, deyiladi xabarda.

Qayd etilishicha, samolyot Havo-desant kuchlari bo‘linmalarining shaxsiy tarkibi va texnikasini Moskva viloyatidagi Chkalovskiy aerodromiga yetkazadi.

Ma’lumot o‘rnida aytish joizki, jori yil 13-yanvar kuni Rossiya harbiylari bo‘lgan ilk samolyotlar Qozog‘istondan jo‘nab ketgan edi. Ular Ivanovo-Severniy (Ivanovo viloyati) va Chkalovskiy aeroportlariga yetib kelishgan.

Aytish joizki, tinchlikparvar kuchlar Qozog֪‘istondagi alohida ahamiyatga ega 14 ta obyektni qo‘riqlagan.

• KXShT
• Qozog‘iston
• Rossiya