Rossiya Davlat dumasi “Tolibon”ni terrorchilik tashkilotlari ro‘yxatidan chiqarish to‘g‘risidagi qonun loyihasini birinchi o‘qishda qabul qildi.

Ushbu qonun qabul qilinsa, “Tolibon” Rossiyada terrorchilik faoliyati taqiqlangan tashkilotlar ro‘yxatidan o‘chiriladi.

Qonun loyihasi Davlat dumasiga 25-noyabr kuni kiritilgan va hukumat ham uni qo‘llab-quvvatlagan.

Bu Davlat dumasining Xavfsizlik va korrupsiyaga qarshi kurash qo‘mitasi tomonidan tasdiqlangan.

“Tolibon” 2003-yilda BMT Xavfsizlik Kengashi tomonidan terrorchi tashkilotlar ro‘yxatiga kiritilgan. Shuningdek, Rossiya Oliy sudi ham “Tolibon”ni terrorchi tashkilot deb tan olgan va mamlakat hududida uning faoliyatini taqiqlagan. 2021-yilning avgust oyida Afg‘onistonning sobiq prezidenti Ashraf G‘ani mamlakatni tark etgandan so‘ng “Tolibon” Kobulni jangsiz egallagan. 2021-yilning sentyabr oyida “Tolibon” Afg‘oniston hukumati tarkibini e’lon qilgandan bir oy o‘tib, Putin Rossiya “Tolibon”ni terrorchilar ro‘yxatidan o‘chirish qaroriga yaqinligini bildirib, buni birinchi navbatda BMT Xavfsizlik Kengashi qilishi kerakligini ta’kidlagan edi.

• Loyiha
• Qaror
• Rossiya
• Tolibon