Latviya mudofaa vaziri Artis Pabriks Rossiya tahdidi fonida mamlakatda umumiy harbiy xizmatni qaytarishni taklif qildi. Bu haqda LETA agentligi xabar berdi.

Latviya mudofaa vazirligi Rossiya tahdidi tufayli universal harbiy majburiyatni qaytarish niyatida ekanligini maʼlum qilgan. Bu o‘zgarish 2023-yilning yanvar oyidan boshlab besh yil ichida bosqichma-bosqich amalga oshiriladi. 2023-yildan 2028-yilgacha harbiy xizmat ixtiyoriy bo'ladi, keyin u majburiy bo'ladi.

“Latviyadagi hozirgi harbiy tizim oʻzini oqlamaydi. Ayni paytda Rossiya oʻz xatti-harakatini oʻzgartiradi, deb ishonishga asosimiz yoʻq”, – deydi Artis Pabriks

Latviya 2006-yilda majburiy harbiy xizmatni bekor qilgan edi. Oʻshandan beri mamlakat Qurolli kuchlarida professional askarlar, shuningdek, dam olish kunlari, asosiy ishlaridan boʻsh vaqtlarida xizmat vazifalarini bajaradigan Milliy gvardiya tarkibidagilar (“Zemessardze”) koʻngillilar sifatida xizmat qilishgan.

Maʼlumotlarga koʻra, hozirda Latviya Qurolli kuchlarida 7500 nafar professional harbiy xizmatchi va Milliy gvardiya aʼzolari bor. Ularni mamlakatda joylashtirilgan 1500 NATO harbiy davlatlari ham qoʻllab-quvvatlamoqda.

• Latviya
• Rossiya
• harbiy xizmat