Ukrainada urush 2023-yil oxirigacha tugashi mumkin, ammo buning uchun Ukraina Qurolli kuchlari Gʻarb hamkorlaridan hozirgidan 10 barobar ko‘proq harbiy yordamga muhtoj. Bu haqda Ukraina tashqi ishlar vaziri o‘rinbosari Andrey Melnik “Twitter” sahifasida ma’lum qildi.

Ukraina rasmiysi hozirda Gʻarb yordami yetarli emasligini ta’kidlagan:

“Biz ittifoqchilarimizdan harbiy yordam uchun minnatdormiz. Lekin bu yetarli emas. Rossiya agressiyasini to‘xtatish uchun bu yil Ukrainaga 10 barobar ko‘proq harbiy yordam kerak. Shu bois hamkorlarimizni barcha sun’iy qizil chiziqlardan o‘tib, yalpi ichki mahsulotning 1 foizini ajratishga chaqiramiz. Ukrainaga qurol yetkazib berish uchun”.

Melnikning qo‘shimcha qilishicha, hozircha Ukraina uzoq masofaga uchuvchi raketalar va urushni tugatishga yordam beradigan Gʻarb tipidagi qiruvchi samolyotlar bilan ta’minlanadimi yoki yo‘q, bunisi noma’lum:

“Urushning tugashi ko‘p jihatdan hamkorlarimiz Putinni ehtimoliy yadroviy zarba va boshqa nazariy jihatdan mumkin bo‘lgan dahshat voqealariga qo‘zg‘atmaslik uchun qolgan oxirgi qizil chiziqlarni kesib o‘tishlariga bog‘liq”.

• Rossiya
• Ukraina
• Urush