Rossiya va Belarus uchun yagona valyutani joriy etish hozirda kun tartibidagi masala emas. Bu haqda Belarus prezidenti Aleksandr Lukashenko aytdi.

"Bizda Banklararo Valyuta Kengashi (Rossiya Markaziy banki va Belarus Milliy banki - tahr.) borligi haqida hech qanday savol tug‘ilmaydi. Yagona valyuta yaratish va boshqalar haqida gap ketganda, bu oson jarayon emas. Shuningdek, biz Rossiya prezidenti bilan kelishib olganimizdek, ushbu jarayon bugungi kunlarda muhokama qilinmaydi”, – deydi Belarus rahbari Aleksandr Lukashenko.

Belarus rahbari Rossiya Federatsiyasi Markaziy banki rahbaridan nimanidir "o‘rganishni", bugungi kunda ko‘plab davlat rahbarlarining og‘zida bo‘lgan bir qator savollarni berishni xohlashini ta’kidladi.

“Buni so‘zlagan nutqlarimizdan ham sezishingiz mumkin. Ehtimol, biz juda ko‘p gapiramiz, biron narsani bilgandek bo‘lamiz (masalan, zaxira valyutasi va boshqalar), lekin biz bu qachon bo‘lishini va qanday rivojlanishini tushunmayapmiz. Shuning uchun bu savollar meni eng ko‘p qiziqtiradi. Sizning nuqtayi nazaringiz, mutaxassislaringizning nuqtayi nazari”, – dedi Belarus prezidenti.

• Belarus
• Lukashenko