“Rossiyada 670 mingga yaqin noqonuniy muhojir mavjud”, – deb xabar beradi “Komsomolskaya Pravda”. Rossiya Ichki ishlar vazirligi rahbarining birinchi o‘rinbosari Aleksandr Gorovning so‘zlariga ko‘ra, ushbu migrantlarning yarmidan ko‘pi ayollardir. Joriy yilning 30-apreliga qadar ularning barchasi o‘z maqomlarini legallashtirish uchun Rossiya Ichki ishlar vazirligi va tegishli idoralarga murojaat qilish imkoniyatiga ega.

Gorovning tushuntirishicha, qonuniylashtirish Ichki ishlar vazirligining maxsus hisob-kitoblari bo‘yicha tekshiruvdan va jamoat tartibiga tajovuz qiladigan huquqbuzarliklar yo‘qligini baholashdan so‘ng amalga oshiriladi. Tekshiruv ijobiy natija bersa, chet elliklarning huquqiy holati hal qilinadi. “Agar yo‘q bo‘lsa, ular mamlakatni tark etishlari shart”, – deya qo‘shimcha qilgan u.

Rossiya OAV ma’lumotlariga ko‘ra, 2025-yil 1-yanvardan 30-aprelgacha mamlakatda qolish tartibini buzgan chet el fuqarolari Ichki ishlar vazirligining tegishli organlariga murojaat qilib, yashash joylarini qonuniylashtirishlari mumkin.

• Ayollar
• Rossiya
• erkaklar
• migrant