Rossiya Federatsiyasiga ishlash uchun borib, og‘ir ahvolga tushib qolgan erkak O‘zbekistonga qaytarildi. Bu haqda Tashqi mehnat migratsiyasi agentligi matbuot xizmati xabar berdi.

Qayd etilishicha, joriy yilning may oyida O‘zbekiston fuqarosi andijonlik A.T. Rossiya Federatsiyasiga ishlash maqsadida borgan. U ehtiyotsizlik oqibatida Novosibirsk shahrida o‘z avtomashinasida avtohalokatga uchragan va ishga yaroqsiz holga kelib qolgan. Ushbu fuqaro A.T. andijon viloyatidan ekani ham aytilgan.

“A.T. murojaatiga asosan Tashqi mehnat migratsiyasi agentligi tomonidan “Novosibirsk-Tashkent” yo‘nalishidagi aviareys orqali O‘zbekistonga qaytishida amaliy yordam ko‘rsatildi”,— deyiladi agentlik xabarida.

Shuningdek, mazkur fuqaroning O‘zbekistonda mutasaddi tashkilot vakillari tomonidan kutib olinib, davolanishda amaliy yordam ko‘rsatilishi kelishib olingan.

• Migratsiya
• O‘zbekiston
• Rossiya