36°
Kechasi 19°
1 yoshdagi bolasini urayotgani va keyinchalik uning jasadini yerga ko‘mayotgani tasvirlangan videolavhalardagi o‘zbekistonlik ayol va erkak Rossiyada hibsga olindi. Bu haqda Bolalar Ombudsmani xabar berdi.
Qayd etilishicha, videotasvirdagi ma’lumot asosida ayolning shaxsi identifikatsiya qilingan. Shundan so‘ng, uning Andijon viloyati Jalaquduq tumanida yashovchi, 1995-yilda tug‘ilgan A.G. bo‘lib, hozirgi paytda u (2016-yildan beri) Rossiya Federatsiyasining Novosibirsk viloyatida turmush o‘rtog‘i B.I. bilan yashab kelgani aniqlangan.
Hozirda mazkur holat yuzasidan O‘zbekiston Respublikasi Bosh prokuraturasi tegishli so‘roviga asosan Bosh konsulxona hamda Novosibirsk shahri IIV xodimlari bilan o‘zaro tezkor ma’lumotlar almashinishi natijasida, 19-yanvar kuni ular Berdyansk shahrida qo‘lga olinib, protsessual tartibda hibsga olindi.
Shuningdek, Rossiya Federatsiyasi Tergov Qo‘mitasining Novosibirsk shahri tergov boshqarmasi tomonidan A.G. va B.I. ga nisbatan RF JK 117-moddasi (qiynash) bilan jinoyat ishi qo‘zg‘atildi va hozirda tergov harakatlari olib borilmoqda.
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
O‘zbekiston va jahonda ro‘y berayotgan eng so‘nggi voqea-hodisalar, sport, shou-biznes, madaniyat, informatsion texnologiyalar va ilm-fan yangiliklaridan doimo xabardor bo‘ling!
