Favqulodda vaziyatlar vazirligining Mi-8 vertolyoti Kareliyadagi Onega ko‘li uzra g‘oyib bo‘ldi.

Bu haqda “TASS” agentligiga Rossiya Favqulodda vaziyatlar vazirligi ma’lum qilgan.

“Onega ko‘li suvlari ustida o‘quv parvozi paytida Rossiya Favqulodda vaziyatlar vazirligining Shimoli-G‘arbiy aviatsiya qutqaruv markazining Mi-8 vertolyoti Kareliya Respublikasi, Prionejskiy tumani, Derevyannoye qishlog‘i hududida aloqani to‘xtatdi”, – deyiladi vazirlik xabarida. Shuningdek, samolyot bortida uch nafar ekipaj a’zosi bo‘lgan. Hozirda qidiruv-qutqaruv ishlari tashkil etilgan.

Keyinroq, “Mash” Telegram kanalida esa yo‘qolgan Mi-8 vertolyoti qoldiqlari Derevyannoye qishlog‘idan 10 kilometr uzoqlikdagi Onega ko‘lidan topilgan.

Ertalab vertolyot qulagan suvda qidiruv ishlarini davom ettirish uchun g‘avvoslar yuborilgani aytilgan.

Ushbu Mi-8 2004-yildan beri ishlaydi va Favqulodda vaziyatlar vazirligida ro‘yxatdan o‘tgan. Kema kapitani Yevseyev va ekipaj a’zolarining taqdiri hozircha noma’lum.

• FVV
• Vertolyot