Rossiyada ishlayotgan o‘zbekistonliklarga hujjatlari qaytarib olib berildi. Bu haqda Tashqi mehnat migratsiyasi agentligi xabar berdi.

Qayd etilishicha, Tashqi mehnat migratsiyasi agentligining Sankt-Peterburgdagi vakilligiga O‘zbekiston fuqarolari vaqtincha ishlayotgan qurilish ob’yektlarida ish beruvchi ularning pasportlarini olib qo‘yilgani to‘g‘risida murojaat qiladi.

Shundan so‘ng,  muammoga oydinlik kiritish maqsadida ish beruvchi bilan suhbat o‘tkazilib, Rossiya Federatsiyasining amaldagi qonunchiligi asosida javobgarlikka tortilishi haqida ogohlantirilgan va fuqarolarning pasportlari o‘z egalariga qaytarilgan.

Ushbu fuqarolarga Rossiya Federatsiyasi hamda O‘zbekiston qonunchiligini buzmaslik, ommaviy namoyishlarda ishtirok etmaslik hamda turli va’dalarga uchmaslik yuzasidan targ‘ibot-tashviqot ishlari olib borilgan.

• Migratsiya
• Pasport
• Rossiya