Rossiyada mehnat muhojirlariga yuzining elektron tasviri va barmoq izlarini o‘z ichiga olgan chipli karta ko‘rinishida patent berish boshlanadi. Bu haqida Ichki ishlar vazirligining mamlakat huquqiy axborot portalida e’lon qilingan buyrug‘ida so'z boradi.

“Rossiya Federatsiyasiga vizani talab qilmaydigan tartibda kelgan chet el fuqarosi yoki fuqaroligi bo‘lmagan shaxsga elektron ma’lumot tashuvchisi bo‘lgan karta ko‘rinishida berilgan patent shakli tasdiqlansin”, -  deyiladi hujjatda.

Xabarda ta’kidlanishicha, karta ichiga o‘rnatilgan kontaktsiz interfeysga ega mikrosxema patentda ko‘rsatilgan barcha ma’lumotlarni, shuningdek egasining shaxsiy biometrik ma’lumotlarini yuzning elektron tasvirini va qo‘lining ikki barmog‘ izini o‘z ichiga oladi hamda uning identifikatsiyasiga mos keladi.

Bundan tashqari, hujjatda karta egasining mehnat faoliyati to‘g‘risidagi asosiy ma’lumotlar ko‘rsatiladi. 
Ma’lumot uchun, ushbu farmon joriy yilning 29-dekabridan kuchga kiradi.

• Migratsiya
• Rossiya